Ministria e Infrastrukturës ndalon qarkullimin e automjeteve me peshë më të madhe se 7.5 ton, shka temperaturat e larta

11:38 | 13 Korrik 2024
K.B

Ministria e Infrastrukturës, Mjedisit dhe Planifikimit Hapësinor ka bërë të ditur se ka marrë masa lidhur me qarkullimin e automjeteve në vend për shkak të temperaturave të larta.

Kështu ka bërë të ditur zëvendëskryeministri, Hysen Durmishi në një postim në Facebook.

Durmishi ka bërë të ditur se ndalohet qarkullimi në autoudhë, rrugë nacionale dhe rajonale për të gjitha automjetet e transportit të mallrave me peshë më të madhe se 7.5 ton.

“Bazuar në rekomandimet e Departamentit për Menaxhimin e Rrugëve dhe Policisë së Kosovës, me qëllim të ruajtjes së rrugëve nga dëmtimet si rezultat i temperaturave të larta kemi marrë vendim:
Ndalohet qarkullimi në autoudhë, rrugë nacionale dhe rajonale për të gjitha automjetet e transportit të mallrave me peshë më të madhe se 7.5T.

Ky vendim vlenë nga data 14 korrik 2024 deri më 31 korrik 2024 për periudhën nga ora 11:00 deri në ora 17:00”, thuhet në njoftimin e publikuar nga Durmishi./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm